منتدى المربوعه الليبيه

center][/center]
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي

لمتنا فى مربوعتنا

            
                      اعلن                      معنا                  

    يوميات مواطن ليبى

    شاطر
    avatar
    ابن ليبيا
    مدير عام المنتدى ومؤسس الموقع
    مدير عام المنتدى  ومؤسس الموقع

    عدد المساهمات : 87
    نقاط : 131
    السٌّمعَة : 9
    تاريخ التسجيل : 02/11/2009
    المزاج المزاج : بح

    hgfh يوميات مواطن ليبى

    مُساهمة من طرف ابن ليبيا في الجمعة ديسمبر 18, 2009 8:57 am



    إنها الساعة السابعة والنصف صباحا،،، فقد يبدأ اليوم عند كثيرين من هذه الساعة قبلها أو بعدها بقليل،،، ولكنها نقطة تمركز عند الكثيرين وخاصة الطلبة والمعلمين،،، تخرج الجموع كلها في نفس الوقت،،، وكأن القلوب تدق موعدا على الأرصفة والطرقات،،، يذهبون إلى وجهات مختلفة،،، فما بين العمل والدراسة قليلون من يحرمون أجفانهم من نومة صباحية دافئة،،، و يخرجون في مثل هذه الساعة المبكرة،،، وقد يحسد المترجل من معه سيارة،،، وقد يحدث العكس عند وجود زحمة سير،،، وعلى ذكر زحمة السير فهي من المقبلات التي يتناولها المواطن يوميا،،، وأحيانا قد تكون قبل الفطور و هو واقف في طابور الخبزة،،، فتنفتح شهيته علي مصراعيها لمزاج مضطرب و نفسيه معكره منذ الساعات الأولى من اليوم،،، فبدلا من أن يفتتح يومه بأذكار صباحيه وتوكل على الله،،، المواطن الليبي لا يتوقف عن قذف الشتائم لهذا وذاك منذ أن يضع يديه على مقود السيارة،،، وإذا ما جئنا إلى المرتجل مسكين هو أيضا فلا يستطيع الوصول إلى مقر عمله أو إلى مدرسته في الوقت المحدد،،، حيث ترى عديد الحافلات مصطفة على طول الرصيف،،، وأحيانا قد يفوق عددها عدد البشر،،، فتتخيل أن المواطنين الليبيين لا يملكون سيارات،،، ويا لها من حافلات أكل الدهر عليها وشرب،،، ولن أتحدث عن هؤلاء الشباب اللذين تراهم في أفخم السيارات وصوت المسجل مرتفع وكأنه يُسمع باقي الناس،،، وتراهم أمام مدارس البنات يدورون وكأنهم يبحثون عن شيء ضائع... لحظه ،،، فأنا لم أكمل كلامي بعد،،، فلقد نسيت الطريق السريع،،، فهو من أجمل الصور الصباحية التي قد تمر عليك،،، حيث يتحول هذا الأخير إلى حلبة سباق فورملا 5،،، للسيارات المؤهله لذلك والغير مؤهله،،، المهم إنها تحمل طارقات ومرقمه من المرور،،، وكما نعلم فإن كل سيارة تحمل ترقيم خاص بكل مدينه،،، وعلى أساس هذا الترقيم يحكم على الفائز من أي مدينه،،، وقد يتطلب الأمر في بعض الأحيان استعراض للعضلات والمهارات،،، فالرجل أحيانا لا يرضى بأن تجتازه امرأة أو أن تجتازه سيارة موديلها أقدم من موديل سيارته "فهذا عار عليه"،،، ناسيا أو متناسيا أن القيادة أدب وذوق وفن أولا،،، وقد يفسد ذلك ما تبقى من يومه،،، وعند منتصف اليوم وتحديدا بعد الساعة الثانية ظهرا تتغير الصور بطريقه جذريه،،، وقتها لا يرى المواطن أمام عينيه إلا وجبة الغداء،،، فلا يقوى على أي شيء أمام بطنه الفارغ ؛ لا على سباق سيارات ولا على عرض للعضلات،،، بل يغدو كالحمل الوديع فينسى حتى الشتائم ويتتبع رائحة الأكل ولو سيرا على الأقدام،،، المهم أن يأكل في آخر المطاف،،، ولا تسمع إلا القهقهة فقط كدليل قاطع على أن "رضا النفس من رضا البطون"،،، وإذا شبعت البطن تقول للرأس غني...!!!
    فهل هذا قفص لابد من العيش فيه؟؟ أم هو قدر وروتين يومي لا يمكن تغييره مع مر السنين؟؟؟


    _________________التوقيع______________
    avatar
    ๖ۣۜ☆๖ۣۜ★ الصقر الجريح๖ۣۜ☆
    نائب المدير العام
    نائب المدير العام

    عدد المساهمات : 28
    نقاط : 32
    السٌّمعَة : 0
    تاريخ التسجيل : 09/11/2009

    hgfh رد: يوميات مواطن ليبى

    مُساهمة من طرف ๖ۣۜ☆๖ۣۜ★ الصقر الجريح๖ۣۜ☆ في الأحد ديسمبر 20, 2009 6:18 am

    صح ابن ليبيا تعرف والله في هلبا ناس ينوضو الصبح تلقاه معندة شيئ ينوضلك من فجر ربي تلقاه يوتي في روحة ويحدد في حوايجة ويدير في هدوكا الشعر فوق يساوي فيهم بشعرة وتلقاه يسخن في سيارة ولمته مدجي 8ونص يطلع بي هديكا السيارة ويشدها معكسات في بنات الناس ومزيكا علي صبح ربي تلقاه مطرزلك السيارة كلها بي سبيكرات وبزوقات دقول يسمع يلي راقدين تلقا المكان لفية هوا قريب يصير زلزال من قوتهم تلقاه فاتحلك ففتي سنت ولا تامر حسني لاحول الله ناس تتصبح لي الله وهوا يتصبحلي علي الكفاروخليك علي المعكسات وتلقيح بنات علي صبح ربي تلقاه يدور في الطريق اكتر من 60 مرة يمشي ويجيفي نفس المكان زي السراق الوح وتلقاه يمتع في هديكا السيارة يخلي فيه الدور زي الزربوط في مكان واحد وفية لي يخلي فيها تمشي بلعرض مسفات طويلة القدام يستعرض في عضلاته قدام البنات مسكينة السياره تلقاها قريب تتكلم ودقولة ارحمني حرام عليك دقول البنات كان فسدت سيارته بيصلحوهاله فية بنات تلقاهم يشجعو في الولاد تلقاهم يغنو يقولو(وبرا من هنا وغادي ولوح يمين ويسار وعادي) وياحليلك كان شاب شبح في بنت تسبق فية تي يا حليلهاتلقاه مطيح العداد علي 160مش عارف شن فيا كان بنت اجتزاتك لا يقولك كيف اني راجل تسبقني بنت ميكتبهاش علية التاريخ تلقاه حاط رجله علي الشريطوري للحد باش يفوته تلقاه يغني يلي مقعمز بحداه ( فوتها متعدلش عليها فوتها راهو يسبق فيها) مش عارف فيه ناس مستعجلة تبي العمل يلقة الطريق زحمامرات يتاخر حتا علي العمل من زحمة الطرقات ومن مسبب زحمة الطرقات هادي تلقاهم اكتر من 80 في المية شباب المتهورون ما عندهم شن يديرو تي قلة اربح راحتك وتمرقد في حوشك ولا دورلك خدمة تخدمها تسترزق منها تي المفروض شكري غانم يزيد في اسعار البنزينة باش يشدو حياشهم وبعدين تلقاه يروحلك في الغدي تعبان ضاربه الصداع من دوشة السيارة وجعان بطنه دزوي وريقة شايط من كتر ما يلقح ويلوح في الدوةعلي البنات وبعدين يطيحلها نوم لليل وبعدين ينوض تقاه يدير تشك علي صحابة ( ها وين انتا شنو فية كارتة اليلة باهي اني جاي )
    وهكدا يوميات بعض شباب ليبيه يوميامشكور ابن ليبيا دائما مواضيعك حساسة ورائعه ما تحرمنا من الموضيع الحلوة يا بطل
    avatar
    ابن ليبيا
    مدير عام المنتدى ومؤسس الموقع
    مدير عام المنتدى  ومؤسس الموقع

    عدد المساهمات : 87
    نقاط : 131
    السٌّمعَة : 9
    تاريخ التسجيل : 02/11/2009
    المزاج المزاج : بح

    hgfh رد: يوميات مواطن ليبى

    مُساهمة من طرف ابن ليبيا في الأحد ديسمبر 20, 2009 6:32 am

    مشكور ياصقور على التخطيمه

      الوقت/التاريخ الآن هو الإثنين يونيو 26, 2017 2:44 pm