بعد يلزمني دور الصوب

بعد يلزمني دور الصوب **مني عهد انفكر فيك


ولما يندهلي المكتوب** نحاول بأذن الله أنجيك


لكن تو ارجوك اعذرني ** انا كل ابوابي مقفوله


مازال منامي هاجرني** من قصه قبلك مجهوله


انفذ باحلامك سيبني ** تتعب وامعاك اتعبني


خليك امباعد خليك


انت معذور علي نيتك ** تبني ملفي لودادك


فارح باشواقك ثاريتك **مانك عارف ايش قصادك


وامتي مانحتاج حنين ** ونشعر بيك انك ناقصني


ممكن نرسلك بعدين ** تعال تولاني ونسني


لكن تو ارجوك اعفيني ** نا يادوب انساهي عيني


ماعندي كيف اتلاقيك


اسف جدا كان بودي ** تسمع كلمه حلوة مني


لكن همي غالب ردي **وكل اظروفي غصبا عني


نقدر وين اتجي نفرحلك ** ونقول حبيبي وعيوني


وانحل ابوابي نفتحلك ** وانخليك منام اجفوني


لكن تو انسي ريحني ** خايف شي مرة تفضحني


ونلقي روحي هايم بيك


تحياتي:
**********************الجوكر @

اسف جدا كان بودي ** تسمع كلمه حلوة مني


لكن همي غالب ردي **وكل اظروفي غصبا عني


نقدر وين اتجي نفرحلك ** ونقول حبيبي وعيوني


وانحل ابوابي نفتحلك ** وانخليك منام اجفوني


لكن تو انسي ريحني ** خايف شي مرة تفضحني
[i]تقبل مروري أختك ضوء القمر
أبدعـــــت

شكرا ضوء القمر نورتي الموضوع